Goreyê polîsanê Viyana û medyaya Avusturya merkezê şaristanî de vengê çekan eşnawîya. Polîsan twitterî ra derheqê hêrişî de wina vat: ''Birîndarî estê, pêro cayanê qerebalixan û wesayîtanê resayî yê komkîyan ra dûrî vinderê.''

Rojnameyê Falterî pare kerd ke hêriş de kesêk merd. Rojnameyê Kronen Zeitungî zî îfade kerd ke vengê çekan sînagogî ra eşnawîya.

Goreyê tay îdîayan hêriş vera merkezêkê komelê yahûdîyan ame kerdene.

Goreyê ajansê APA Wezaretê Karanê Zereyî eşkera kerd ke hêrişkeran ra yew kişîyayo û o bîn zî remayo.