Girê Perestgehan ê Mescîd-î Aksa yê Qudusî de mabênê çalakîkeranê Filîstînî û polîsanê Îsraîlî de şer qewimîya. Şer de tewr tay 100 kesî birîndar bîyî. Serê Remezanî ra dima no bi şero yewin. Beno ke alozîye bizêdîya.

Heyva Sor a Filîstînî da zanayene ke 20 birîndarî ameyê berdene bi nêweşxaneyanê Qudusî û tewr tay 100 kesî birîndar bîyê.

Polîsanê Îsraîlî zî pare kerd ke 3 polîsê înan birîndar bîyê.

Dîya zanayene ke roja îneyî, serê sibayî bi desan ciwanê maskekerdeyî kewtî Girê Perestgehan û destê tayê nînan de alaya Hamasî est bîye. Goreyê polîsanê Îsraîlî ciwanan kerrayî eştê Dêsê Bermayîşî û polîsanê Îsraîlî zî fîşekê plastîkî teqnayî.

22ê adare ra nata Îsraîl de çar hêrişî qewimîyayî û nê hêrişan de 14 kesî merdî û 22 filîstînijî zî kişîyayî.

Emser seba ke Remezan, Paskalyaya xirîstîyanan û Roşanê Pesahî yê musewîyan heman wextî de yê wina pawîyeno ke alozîye giranêr biba.