Artêşa Rûsya bi eşkerayîyêka nuştekîye da zanayene ke bi hewldayîşê Rûsya û mabênçîyê Tirkîya û Rûsya herêma bêpêkewtişî yê Îdlîbî de şewa 12’ê Hezîrane de pêkerdişê adirbirnayîşî ame kerdene. Eşkerayîye de ame vatene ke dimayê pêkerdişî hêrişê bobardûmanî bîyî kêmî.

Herêma Îdlîbî hewteyanê peyênan de her roje bi pêkewtişan rojdem de bî. Artêşa Sûrîya û îtîfaqê Rûsya herême bobardûman kerdêne. Îdlîb binê îşxalê çeteyanê ke Enqere paştî dana ci de yo. Menga Nîsane ra nata pêkewtişan de bi seyan kesî merdî û bi hezaran zî birîndar bîyî.