Nêrazîbîyayîşê Atina yê vera 'Oruç Reîsî: Vera haştîye gef o
Dima ke dewleta tirke newe ra keştîya cigêrayîşê sîsmîkî Oruç Reîs erşawite Dengizê Sipî Yunanîstanî rexne kerd ke no vera haştîye û asayîşê herême gef o.
Dewleta tirke keştîya Oruç Reîsî di keştîyanê şerî reyde newe ra erşawite rojhelatê Dengizê Sipî. Ame parekerdene ke keştîye 12-22ê teşrîa verêne de herême de biba.
Wezaretê Karanê Teberî yê Yunanîstanî bi eşkerayîyêka nuştekîye da zanayene ke na rewşe vera asayîş û haştîya herême gefêko pîl o.
Eşkerayîya Wezaretê Karanê Teberî de ame vatene ke pê Tirkîya bawer nêno kerdene û Tirkîya bi hawayêkê eşkerayî dîyalogan nêwazena. Wezaretî ard ziwan ke Tirkîya Lîbya ra heta Dengizê Ege, Qibris, Sûrîye û Iraqî nika zî Karabag de 'faktora bingeyî ya bêaramî' ya.
