Yeno pawitene ke na pêşnûmeya qanûnî hamanî bêra vetene. Nêzdîyê 200 kesanê ke se ra 1 bazirganîya kurkê vîzonê dinya û se ra 3 bazirganîya kurkê luyan destê ci de ya vera pêşnûmaye vejîyenê. Çarçewaya pêşnûmaye de weyekerdişê heywananê kurkî do bêro qedexekerdene û çewlîgî ke estê heta 1'ê Sibata 2015'î bêrê qedexekerdene.

Seba kesanê ke heywanan weyê kenê ''mexdûr nêbê'' paştdayîşo madî yê 500 mîlyon kronî (51 mîlton Euro) do bero dayene. Ney ra qasê 100 mîlyonî seba weyekerdişê heywananê bînan yan zî seba ke sektorê bînî de kar bikerê do bêro dayene.

Labelê komelê kesanê ke heywanan weyê kenê vanê, tewr kêmî paştdayîşê qasê 2,3 mîlyar kronî (235 mîlyon Euro) ganî înan rê bêro dayene. Hetê bînî ra komelî vanê, zaf zoro ke kesanê ke 100 serrî no kar kerdo dest bierzê sektoranê bînan.

Mabênê hukmatê rastgir-lîberalî de lîberalan paştdayîş da pêşnûmeya qanûnî. Hetê bînî ra tayê komelan reyde tayê mûxafazakar û sîyasetmedarê populîstî vera pêşnûmeye vindenê.