Hetkara Sereka Pêroyî ya Babeta Merdimîye ya Neteweyê Yewbîyayeyî (NY) Ursula Muller Konseya Asayîşî de eşkera kerd ke bi hêrişanê îşxalkaran ê Tirkî bi se hezaran sivîlî keyeyê xo ra bîyî û Êlule ra nata derheqê rewşe de  xeylî vurnayîşê giranî bîyî.

Mullere vist vîtî ke Sekretero Pêroyî yê NY'yî Antonîo Guterresî bal ante serê qesawetanê ke operasyonê îşxalkarîye yê Tirkîye xo hetî de ardî, û vat "Sekretero Pêroyî vatibi her operasyonê leşkerî ganî goreyê huqûqê mîyanneteweyî, bitaybetî goreyê şertanê NY'yî û goreyê huqûqê merdimîye yê mîyanneteweyî bibo."

Mullere vat, "Operasyonê leşkerî yê Tirkîya rewşa merdimîye rê tesîrêko giran kerd."

Ame parekerdene ke hêrişanê Tirkîya ra mabênê 2 hewteyan de serê xeta sînorî de 80 hezarê înan domanî 180 hezar kesan wareyê xo teriknayî, zafê sivîlî şîyê kampan û ame vatene "NY semedê koçkerdişanê neweyan ê şerê sînorê Tirkîya-Sûrîye ra, zaf qesawet keno ke sivîlê binê tesîrê ci de bibê."

Reyna ame vatene  ke Vakur û Rojakewtena Sûrîye de 3 mîlyon nufusê ra 1,8 mîlyon nufusî hewceyê hetkarîya merdimîye yê û tewr tay 710 hezar kesî cayanê xo ra bîyî û NY û dezgehê hetkarîya merdimîye her menge hetkarîya awe, hîjyen, weşîye, cakerdiş, xida û binawanîye kenê.

Mullere waşt ke her het şerê Sûrîye de ganî hetkarî bike ke hetkarîya merdimîye birese û seba ke seba hetkarîyanê lezabezan fonêkê 10 mîlyon dolarî rê hewcedarîye esto. Ame vatene ke Kampa El Holê de 68 hezar kesî manenê ke 10 ra 94'ê înan doman û cinîyî yê û veng da nê welatanê ke kampe de hemwelatijê înan zî estî, goreyê berpirsîyarîya xo tê bigêrê.

Tewr peyên de ame vatene ke seba ke hêrişê îşxalkarî yê Tirkîya yê serê Vakur û Rojakewtena Sûrîye bêrê vindertene, ganî xîret bêro kerdene.