Temsîlkarê Taybetî yê Neteweyanê Yewbîyayeyan ê Sûrîye Geir Pedersenî pare kerd ke Komîteya Qanûnê Bingeyî yê Sûrîye ya ke temsîlkarê hukmat û muxalefetê Sûrîye tede ca gênê semedê viraştişê qanûnê neweyî pêkerd.
Komîteya Qanûnê Bingeyî yê Sûrîye ya ke 45 temsîlkarê hukmatî û muxalefetê Sûrîye tede ca gênê vizêr Ofîsê Cenevre yê Neteweyanê Yewbîyayeyan (NY) de kom bîye.
Temsîlkarê Taybetî yê Neteweyanê Yewbîyayeyan ê Sûrîye Geir Pedersenî derheqê pêvînayîşan de eşkerayîye daye û ard ziwan ke nê pêvînayîşî qasêk hewteyêk dewam bikerê û semedê reformê destûrê bingeyî yê neweyî xebate dîyaye destpêkerdene.
Hadî Al Bahrayo ke komîte de ca gêno pê organîzekerdişê Komeleya Rojnamegeran a NYyî kombîyayîşê çapemenîye serûber kerd û cewab da persanê rojnamegeran. Al Bahrayî eşkera kerd ke semedê vernîyazê destûrê bingeyî înan pêkerdo û no qewimîyayîşêko pozîtîf o.
Al Bahrayî bale ante pêvînayîşanê ewroyînan ser û da zanayene ê hêvîdar ê ke her kes bieşko xebatanê destûrê bingeyî de ca bigêro.
Al Bahrayî pare kerd ke şer de Sûrîye de 5 mîlyon merdiman koç kerdo û 200 hezar merdimî vînîbîyaye yê. Al Bahrayî vat: ''Prosesê destûrê bingeyî yê neweyî serê rêçê prosesê edaletî de do dewam bikero.''
