Almanya ke serekîya Konseya Ewlekarîye kena, dimayê 55 serran waşt ke salona kombîyayîşî ya Konseye roşnîya rojî bivîno. Perdeyê giranî yê ke pacayanê Konseye girewtêne, kombîyayîşêk de ameyî akerdene.

Fotografê nê zî hetê Temsîlkarîya Almanya ya Neteweyê Yewbîyayeyî ra serê hesabê Twîtterî ra ameyî weşanayene ke fotografan de yeno diyene ke kombîyayîşê Ewlekarîye bi hawayêkê roşinî yeno viraştene.

Tirêm perdeyê salona Konseya Ewlekarîye çira ameybî girewtene?

Verê 55 serran şorişgêro efsanewî yo Arjantînij Che Guevara gama ke a salone de kombîyayîşê Konseya Ewlekarîye de qisey kerdêne, hetê bînî yê royê Eastî ra roketêk ver bi salone ame eştene. Roket nêresa salone û 180 metre vero ke bireso salone kewt zereyê royî. Teqîyayîşê roketî salone ra ame dîyene û şinawitene.

Cheyo ke ê wextan wezîrê endustrî yê Kuba bi rixmê teqîyayîşî de zî mabên nêda qiseykerdişê xo. Cheyî peynîya qiseykerdişê xo de puroyê xo ant û vat ke teqîyayîşî tehmê puroyê ê hîna kerdo weş.

Netîceyê cipersayîşî de ame zanayene ke eke mekanizmaya roketî rast biameyêne eyarkerdene do biginayêne salone ro. Nê raporî ser pacayê Konseya Ewlekarîye bi perdeyanê giranan ameyî girewtene.

Serra 2013 de zî camê salona Konseya Ewlekarîye bi camanê ke teqîyayîşî pê nêeşkenê ameyî vurnayene. Perdeye ke pacan ra bî zî perey reya ewilêne reyna ameyî akerdene.