Yewîyanê Asayîşan ê Qeraxî da zanayene, qeraxanê Lesvosî de keştîyêka ke koçberî tede yê roşîyaye awe. Yewîyanê Asayîşan 57 kesî xelisnayî, hîna zî xebatê cigêrayîşê koçberan dewam kenê. Heta nika 7 cenazeyî ameyî dîyayene.

Nêame vatene ke koçberî hemwelatijê kamcîn welatan ê. Ame vatene ke, ê yê ke merdê  ci ra 4 cinî yêî, 1 laj û 2 zî kênakê qij ê. Goreyê Rêxistina Mîyanneteweyî ya Koçberan, destpêkê na serre ra nata 300 ra zêdetir kesî wexto ke serê Deryayê Sipîyî ra waşt ke xo biresnê Ewropa merdî. Serra 2015’î ra nata zafanê ci Sûrîye ra nêzdîyê 700 koçberî û bextwaştoxî Yunanîstan de yê. Dimayê peymana koçberan a 2016’î ya ke mabênê Tirkîya û YE de ameya îmzakerdene, koçkerdişê ver bi girawanê Yunanîstanî bi kêmî. Pawitoxanê heqanê merdiman seba na peymane vatîbî, teberê merdimîye ya.