Şaristanê Bologna yê Îralya de hetê Rete Kurdistan (Torra Paştdayîşê Kurdîstanî) ra derheqê azadîya Rayberê Şarê Kurdî Abdullah Ocalanî de konferansêk ame kerdene.

Temsîlkarê Partîya Komunîste ya Newe ra Awanbîyayîşî ya Îtalya, temsîlkarê sendîka û rêxistinanê komelê sivîlî tewrê konferansî bîyî. 

Konferans de seba ke azadîya Ocalanî rojdemê Îtalya de ca bigêra tay birî ameyî girewtene.

Goreyê naye;

-1ê teşrîna peyêne de xeylêk şaristananê Îtalya de seba azadîya Ocalanî çalakîyê rayraşîyayîşî do bêrê kerdene.

-Xeylêk şaristanan de pêramotişê fotografî do bêrê akerdene.

-15ê sibata 2021î Roma de rayraşîyayîşêko pîl do bêro kerdene.

-Pawitişî Ocalanî do bêrê açernayene îtalyankî û nê pawitişî do bêrê daşinasnayene.

Peynîya konferansî de beşdaran bi sloganan azadîya Rayberê Şarê Kurdî waşte.

Serranê verênan de zî şaredarê Castel Bottaccio, Castel del Giudice, Tufara û Fossaltoyî yê ke şaredarîya rûmetîye dabi Abdullah Ocalanî, ameyî pêser û înan tay plansazîye kerde.