Roniştişê 40’ine yê Heqanê Merdiman ê Konseya Heqanê Merdiman a Neteweyê Yewbîyayeyan dest pêkerd. Kombîyayîş do 3 hewteyî dewam bikero û binpaykerdişê heqanê merdiman ê zaf welatan do bêrê ercnayene.
Roniştişê 40’ine yê Heqanê Merdiman ê Konseya Heqanê Merdiman a Neteweyê Yewbîyayeyan (NY) Ofîsê Cenevre yê NY'yî de dest pêkerd.
Serekê Konseya Heqanê Merdiman Coly Seck, Sereka Cimatê Pêroyî yê NY'yî Marîa Fernanda Espînosa Garcese, Sekreterê Pêroyî yê NY'yî Antonîo Gûterres, Komîsera Berz a Heqanê Merdiman Mîchelle Bachelete û Serekê Departmanê Karê Teberî yê Federalî yê Swîsî Îgnazîo Cassîosî destpêkerdişî roniştişî de qisey kerd. Hetê bînî ra temsîlkarê NY’yî yê dewletanê endamanê Konseya Heqanê Merdiman û sazgehê cimatî yê sîvîlî yê ke wareyê mîyanneteweyîye de heqanê merdiman pawenê, wezîrê karê teberî yê dewletanê endamanê Konseye zî seba qisekerdişî tewrê roniştişê roja destpêkerde bîyî.
Komîsera Berz a Heqanê Merdiman Mîchelle Bachelete vat, “Ma vînenê ke di oxirê menfaatê neteweyî yê dewletan de ercnayê heqanê merdiman yê globalî yenê redkerdene.” Bachelete ard ziwan ke hîsgêrîya ke, vurîyayîşê mewsîman ê ke menfaatê ekonîmî ra kewenê kar û rijîyayîşê şeran, polîtîkayê cîyakerdişî û polîtîkayê ke heqanê merdiman nêpawenê rexne kerde. Bachelete ard ziwan ke bêedaletîya cimatî, polîtakanê cîyakerdişî û şer hîna persêkê sereke yê dinya yê.
Roja destpêkerdişî de seba qiseykerdexonê bingeyênan, nameyê dewletanê endamanê Konseye wezaretî do qisey bikerî. Bi nameyê Tirkîye ya ke qanûnê heqanê merdiman ê bingeyênî mîyan ra wedarne zî, yeno pawitene ke Wezîrê Karê Teberî Mevlut Çavûşoglû qisey bikero.
Roniştişê heqê merdiman do heta 24’e Adare bidomno. Roniştişan de raportorê Konseya Heqanê Merdiman a NY’yî do roporanê xo yê serê binpaykerdişê heqanê merdiman ê zaf welatan eşkera bikera. Serê nê binpaykerdişanê merdiman ê do mûnaqaşa bikerê.
