Srî Lanka de dimayê komkiştişî nîkab ame qedexekerdene
Serekkomarê Srî Lanka Maîthrîpala Sîrîsena, hewteyêk dimayê hêrişanê wextê Paskalya, da zanayene ke paçikê Îslamî yê ke cinîyî pê rîyê xo gênê (nîkab) ameyê qedexekerdene.
Serekkomarî eşkerayîya nuştekîye weşanaye û vat, “No tedbîr seba asayîşê neteweyî yo. Ganî kes seba zehmetkerdişê tespîtê nasnameyî rîyê xo nêgêro.”
Serekkomarî Sîrîsena yo ke erk û wezîfeyê ey xeylî kêm ê, da zanaye ke tedbîr do roja Dişeme de bikewo merîyet.
Hêrişanê hewteyê vîyarteyî de, ke çeteyanê DAÎŞ'î berpirsîyarîya ci girewtebî xo ser, 253 kesî merdîbî.
Nufûsa Srî Lanka 21 mîlyon a, se ra 10 zî Musluman ê. Zafêrîyê Muslumanan ê Srî Lanka lîberal yenê dîyayene. Hûmarêka xeylî kêm a cinîyan bi nîkabî rîyê xo gênê.
