Swêdî babeta koçberîye de qanûnêko newe vist dewre

Swêdî babeta koçberîye de qanûnêko newe vist dewre. Wextê heqê roniştişî yê multecîyan do bêro sînorkerdene.

Swêdî babeta koçberîye de qanûnêko newe vist dewre. Wextê heqê roniştişî yê multecîyan do bêro sînorkerdene. Qanûn hetê PArlamentoyê Swêdî ra hewteyê vîyarteyî de ame qebulkerdene. 

Vurîyayîşî ra verî qanûnê 1984î dewre de bi ke goreyê nê qanûnî multecîyan rê heqê mendişî yo bêpeynî dîyayêne. 

Goreyê qanûnê neweyî merdimê ke biwazê zêdêr bimanê ganî testê ziwan û hemwelatîbîyayîşî ra derbaz bibê.

Tay rêxistinanê komelkîyan vera qanûnê neweyî nêrazîbîyayîşêko xurt mojna.

Merdimê ke seba wendişî, kar yan zî vîzeyê keyeyî şinê pêro dekewenê verê nê qanûnî. Merdimê ke newe şîyî Swêdî semedo ke muracatê mendişî mende bikerê ganî tewr tay 3 serrî ê welatî de bimanê.