Tarîxnas Sokolovo ke derheqê Napolyonî de pispor o, çemê Moyka yê St. Petersburgî de serê sibayê şemeyî hetê polîsan ra awe ra ame vetene. Gore polîsan destê Solovî de torbayêk estbi. Ame parekerdene ke torba de di baskê cinîyêke û çekêke estbî.

Avûkatê ci îfade kerd ke Sokolovî sucê xo îtîraf kerd. Tarîxnaso 63 serre seba nêweşîya xo ya hîpotermî ame berdene bi nêweşxaneyî. Avûkatê ci vat ke Sokolovî seba sucê xo poşman o û amade yo ke polîsan reyde hemkarîye biko. Gore medyaya rûsan tarîxnas Sokolovî eşkera kerd ke embaza xo ya ke wendekara ci ya verêne zî bî yew munaqeşe ser o kişte û dima bask, ling û sereyê ci birnayî. Ame parekerdene ke Sokolov heyranê dewrê Napolyonî bi, gore dewrê Napolyonî kincê dayêne xo ra û waştêne ke bi nameyê 'sir' bêro vengdayene.