Serekkomarê Îranî Hasan Rûhanî û Serekwezîrê Pakîstanî Îmran Hanî bi rayîrê telofonî yewbînan reyde pêvînayîş kerd.

Hasan Rûhanî vat, "Ganî ma cehd bikerê ke dostanîya ma ya kehene nêba qurbanê xebatenê rêxistinanê terorî. Ma zanê nê rêxistinî hetê kaman ra yenê fînansekerdene û kaman ra hêzê gênê. Ganî ma destûr nêdê ke welatêko hîrêyin zerar bido têkilîyanê mabênê Îran-Afganîstanî. Heta nika zaf reyan ma bîyê hedefê hêrişanê terorîstan ê ke serê erdê Afganîstanî de ca dayo xo. Coka ma vera terorîzmî amade yê ke hukmat û artêşê Afganîstanî reyde hemkarîye bikerê. Erdê Pakistanî ser o estbîyayîşê terorîstan her hetê ra zerar dano tekilîyanê her di welatan.”

Serekwezîrê Pakîstanî Îmran Hanî zî vat, "Hukmet û artêşê ma, seba çinkerdişê teorîstan do bi heme hêzê xo bitêwgêrê û seba ke grûbê terorîstan ê ke serê erdê Pakîstanî de yê hêrişê welatanê cîranan, bitaybet Îranî nêkerê, ganî ma cehd bikerdêne. Ma zaf nêzdîyê stargehanê terorîstan bîyî.  Wextêko kilm de  ma do derheqê terorîstan de xeberanê başan bidê Îranî.”

Îmran Hanî bale ante serê muhîmîya xurtkerdişê tekilîyanê Îran-Îslamabadî û vat, “Hêvîdar a ke ez do bieşka wextêko nêzdî de bêra serdana Tehranî.”