Teyaregehê Belçîkayî de grevo surprîz
Teyaregehê Belçîkayî de, rîyê grevêkê surprîzî yê kontrolkerdoxan ê şîrketê Skeyesî ra, resayîşê hewayî ameyî betalkerdene.
Dimayê destpêkerdişê grevê kontrolkerdoxan, heta saete 13:00 peyebîyayîş û firayîşê heme teyareyanê bazirganîye ameyê astengkerdene.
Teyaregehê mîyanneteweyî yê Bruksel-Zeventemî de, nêzdîyê 80 seferî betal bîyî. Charleroî û Lîege de zî grevê tesîr bi resayîşê hewayî kerd.
Şîrketê Skeyesî çend hewteyo ke rîyê grevê ra rojdem de yo. Sendîkayî wazenê şert û mercê xebatî bêrê rastkerdene.
