Neteweyê Yewbîyayeyî (NY) bi tedaya ciwanan kom beno. Kombîyayîş rayşîyayîş û grevê globalî yê ke bi mîlyonan panc parzemînan de ameyî viraştene ra hîrê rojî ra dima yeno kerdene.

163 welatanê de 4 mîlyonan ra zêdêr ciwanan roja Îne tewrê grevî bî û seba îklîmî vejîyayê cehdeyan û waşt ke tedbîrê zixmî seba îklîmî bêrê girewtene. Sekretero Pêroyî yê Newteweyê Yewbîyayeyî (NY) Antonîo Gûterresî vat ez hêvî kena ke kombîyayîşê pîlî yê îklîmî de îdarekarê bi desan welatan verba emîsyonê gazî yê sera sozanê girdan bidê. Yeno pawitene ke nêzdîya nîmeyê serekan ê hukmat û dewletan ê 136 welatan tewrê kombîyayîşê heyetê pêroyî yê serrane yê Neteweyê Yewbîyayeyî yê New York de bibê. Aktîvîsta Swêdî ya 16 serre Great Thunberga ke seba grevanê îklîmî bîya çime, seba ke verê îdarekaran de qisey bike ameye vengdayene. Kêmasîya tewr pîle ya heyetê pêroyî do DYE bo. Donald Trump do bînaya Neteweyê Yewbîyayeyî de bo la tewrê kombîyayîşêko bîn bibo. Brezîlya û Awustralya zî do tewrê kombîyayîşî nêbê.