Hemverê qerarê Îranî yê seba zêdekerdişê nisbetê ûranyûmê zengînkerdeyî Qesra Sipîye eşkerayîyêk weşanaye. Eşkerayî de ame vatene, “DYA do çi rey destûr nêdo ke Îran sîlehê nukleerî virazo.”

Eşkerayî de ame pêhesnayene, ‘şaşitî’ bîya ke peymana nukleerî ya serra 2015’î de Îranî rê destûr ameyo dayene ke bi nisbetêkê kemî bo zî ûranyûmî zengîn bikero. Eşkerayîya Qesra Sipîye de ame vatene, “Nisbetê xo çi beno wa bibo şaşîtî bîye ke Îranî rê destûr ameyo dayene ke ûranyûmî zengîn bikero.”

Eşkerayî de ame vatene ke zextê DYA yê hemverê îdareyê Tehranî do dereceya ‘tewr berze’ de dewam bikero.

Wezîrê Karanê Teberî yê Îranî Cevad Zarîfî bi vatişê, “Îranî sînorê 300 kîloyî ravêrna” pêhesna ke ê sînorê kemî yê ûranyûmê zengînkerdeyî ra ravêrtê.