Serekê DYA Donald Trump, herêma bêçekan a ke mabênê di Koreyan de ameya awankerdene ra bi peyatî derbazê Koreya Vakurî bi.

Reya yewina ke Serekê Amerîka şi mîyanê erdê Koreya Vakurî. Her di lîderan wextêko derg destê yewbînî tonqe kerd û fotografî antî. Lîderê Koreya Vakurî hetê bîn ê sînorî ra silam da Serekkomarê Koreya Başûrî Moonî. Trumpî vat, “Seba dinya rojêka gird a” û ard ziwan, “No yeno a manaya ke ma wazenê vîyarteyê nêxêyrî biqedênê û ameyoxo newe biafernayê.” Trumpî lîderê Koreya Vakurî dawetê Qesra Sipîye kerd. Kîm Jon-Unî zî ard ziwan ke, ê wazenê seba ameyoxê neweyî Trumpî reyde bixebitîyê. Trumpî çapemenîye rê qisey kerd û ard ziwan, derheqê bernameyê nukleerî de mîyanê di yan zî hîrê hewteyan de muzakereyî mabênê her di welatan de do dest pêbikerê.