Tunus de 20 macîrî merdî 17 kesî zî vînîbîyaye yê
Keştîya ke macîrê ke waştênê şirê Ewropa kiriştêne roja pancşemeyî Tunus de cum bîye. Tewr tay 20 macîran dinyaya xo bedilnaye û 17 kesî zî awe de vînî bîyî.
Goreyê yewînanê asayîşî yê qeraxê Tunusî Safakes de keştîyêka macîrî kiriştêne cum bîye. Vervatoxê asayîşê qeraxê Sefakesî Alî Ayarî da zanayene ke înan bedenê bêganî yê 11 camêrd, 8 cinîyan û derguşe/î awe ra vetî. Ayarî vat hîrê macîrî ameyî xelisnayene û 17ê înan zî vînîbîyaye yê.
Seba ke rewşa hewayî xirab o xebatê cigêrayîşan roja îne ame vindarnayene do roja şeme cigêrayîş dewam bikero.
Goreyê Neteweyanê Yewbîyayeyan çeleyê 2021î ra nata Dengizê Sipî de tewr tay 292 macîran dinyaya xo bedilnaye.2020 de 1200 macîran dinyaya xo bedilnaybî.
