Mûsil de restorasyonê bînayanê kahananê ke hêrişanê DAÎŞî de xera bîyê, xebate dewam kena. UNESCOyî seba newe ra awankerdişê taxa Mûsilê kahanî 110 mîlyon dolar budçe awan kerd.

Taxa kahane, kuçeyê taxe wextê hêrişanê DAÎŞî de texrîb bîyî ke hamnanê 2017î de cergê DAÎŞî Mûsilî ra ameybî vetene.

Nê şerî de mînareya 850 serre ya Camîyê El Nûrî (El Hadba) ra têna bingeyê ci mendbi ke na mînare sey sembola Mûsilî zanîyayêne.

UNESCOyî seba 'newe ra wayîrvejîyayîşê ruhê Mûsilî' têgêra û projeyêk û budçeyêke awan kerdî. Proje bi taybetî hetê Îmarat û Yewîya Ewropa ra yeno fînansekerdene.

Dima ke xirbeyo 56 hezar ton ame rakerdene mînareya El Habda mîyanê menha adare de newe ra do bêra awankerdene. Karê newe ra awankerdişê mînare zî nê hamnanî de dest pêkeno. Wina pawîyeno ke restarasyon serra 2023î biqedo.

UNESCOyî restorasyonê El Habda reyde seba awankerdişê 2 ber, 100 keyeyî û dibistane taxe 110 mîlyon dolar da kişte.

Nê şantîyeyî do 3100 kesan rê bibê cayê karî ke nêmeyê nînan ciwanan ra yeno pê.