27 welatanê Yewîya Ewropa de 370 mîlyon weçînitoxî seba weçînayîşê 720 endamanê Parlamentoyê Ewropa (PE) şîyî sindoqan ser. 

Rewşa nikayêne de komanê Partîya Şarî ya Ewropa (EPP), Sosyalîst û Demokratan (S&D) û Ewropa Newe Bena (RE) pîya 398 kursîyî vistî destî. 

Hûmara parlementeranê ke beşdarê komanê sîyasîyan nêbîyê goreyê texmînan 102 yo. Na rewşe ra beno ke muxafazekerê neteweyî û komê raştgîrî yê radîkalî bihêz bibê. Partîya Keskan û Çepa Radîkale kursîyî vinî kerdî.

Goreyê texmînan EPP do 181, S&D 135 û Renew Eûrope zî 82 kursiyan bivisnê destî, Kesk/EFA 53 kursîyî girewtî. Koma Çepe 34 kursîyî girewtî. Muhafazakeranê neteweyîyan ê ECRyî 71 kursîyî, koma raştgîre 62 kursîyî vistî destî.

Almanya û Fransa de partîya Keskan bin kewte la Swêd û Hollanda de aver şîye. Temamîya Ewropa de mîqtarê kursîyanê Partîya Keskan kêmîya.