Demokratê sosyalî  se ra 26 rayî girewtî û weçînayîşî de ser kewtî. Populîstê vera koçberan zî bin kewtî. Binkewtişê populîstan reyde hukmat do ver bi îstîfayî şoro.

Tifaqa çepgir a merkezî, parlamento yo ke 179 kursî tede estê de, 96 kursî kerdî ra xo dest. Partîya lîberale zî 79 kursî kerdî ra xo dest.

Sereka demokratanê sosyalan Metter Frederîksen a ke yeno pawitene biba serekwezîr, a do babeta koçberan de wişk biba.

Frederîksene par projêyê reformî pêşkêş kerd ke tede ame vatene ke koçberê ke “welatanê rojawanî ra nîyê” binê ewnîyayîşê Neteweyanê Yewbîyayîyan de înan bişawê kampanê Afrîka.

Goreyê texmînan Mette Frîderîksene do hukmatê kêmtemsîlan awan bikera. Meseleyanê sey perwerde, huqûq û polîtîkayanê koçberan de a do hetkarîya çepgiran biwaza. La seba dewamkerdişê hukmatî paştdayîşê koalîsyonêkê hîrayî ci rê hewce keno.

Danîmarka dimayê Swêd û Fînlandîya, bi welatê vakurî yo hîrêyin o ke paştdayîş dayo hukmatî çepgirî.