Serê hêrişanê îşxalkarîye yê dewleta Tirkî yê serê Rojawanî bi serekîya Hemserekê MSD'yî Riyad Dirar şîyo Misir û Wezîrê Karanê Teberî yê Misirî Semîh Şukru reyde pêvînayîş viraşt.

Pêvînayîş de Şukruyî vat Erdogan wazeno pêroyê Vakur û Rojakewtena Sûrîye îşxal biko û vat, "O kiştox o. Goreyê qanûnanê mîyanneteweyî tê nêgêreno. Ma bawer ê ke Erdogan wazeno pêroyê herême bifîne tehlûke. Gamê ke erzeno çewt ê. Ma qerar da ke yewîya erdê Sûrîye bipawê û ma do pê  pêroyê hêzanê xo hetkarîye bidê nê xîret. Şukruyî vat serê na babete de rolêko tewr pîl serê MSD'yî de yo zî.

'Yewîya Ereban Ganî Qerar Bigêre'

Heyetê MSD'yî zî vist vîrî ke na babete de wezîfeyê Misirî zî zaf estê û bawer kenê Misir wezîfeyanê xo bîyaro ca û va: ‘‘Yewîya Ereban do kom bibe. Ma pawenê ke kombîyayîş de bi hetkarîya Misirî qerarê girîngî bêrê girewtene. Ma bawer kenê ke nê qerarî dramêko pîl wedarê û verê îşxalkerdişê Sûrîye bigêrê. Ma wazenê nê kombîyayîş de qerarî bêrê girewtene ke xebatê sefaretê Tirkî yê welatanê ecêban de bêrê astengkerdene."

'Tirkîya û Qatar Wazenê Parçe Bikê'

Pêvînayîş de ame vatene ke Qatar hetkarîya Tirkîya keno. Şukruyî vat, hetkarîya Qatarî yê bi Erdoganî hetkarîya Birayanê Misilmanan a û yeno waştene ke Sûrîye û welatanê bînan ê Ereban parçe bikê. Şukruyî vat armanc o yo ke nê proje xira bibo, ma wazenê MSD'yî reyde Sûrîyeya demokratîke saz bikê.