Wezîrê Petrolî yê Îranî Bijen Namdar Zengeneyî, ajansê Meclîsê Îranî ICANA rê derheqê ambargoyê DYE yê serê Îranî de qisey kerd.

Zengeneyî da zanayene, şertê nikayî yê ke rîyê ambargoyê DYE ra wareameyê, yê serranê 1980-1988’î yê şerê Iraq-Îranî ra girantir ê.

Ambargoyo Tewr Giran ê Tarîxî

Zengeneyî bale ante serê sewîyeya ambargoyî zî û vat, “Ambargoyê nê demî, demanê verênan ra zaf cîya yo. Nika hemberê Îranî de ambargoyo tewr gird ê tarîxî yeno bicaardene. Coka ganî ma bizanê ke ma mîyanê şerêkê çiqas giranî de yê. Eke nê şert û mercê giranî nêrê famkerdene, xeletê tarîxkî bêrê kerdene. Coka ez winî bawer kena ke tayê kesî giranîya girdî ya şerî nêeşkenê fam bikerê.”