Tirkîya ke bîya welatê qedexe û sansuran, xeylî keyepel û torreyê cimatî ameyî qedexekerdene. Înan ra yewe zî ansîklopedîya înternetî Wîkîpedîa ya. Wîkîpedîa 29’ê Nîsane 2017 de rîyê di babetanê ke vera rejîmê Erdoganî ameyê parekerdene ra amebî qedexekerdene.

Rejîmê Tirkî, Wîkîpedîa ra waştibi ke nê babetan wedarê labelê Wîkîpedîa qebûl nêkerdîbî. Coka rejîmê Erdoganî Tirkîya de keyepel qedexe kerdibi.

Babete ke Tikrîya de bîyê semedê qedexekerdişê keyepelî, amebi vatene ke Tirkîya şerê Sûrîye dayo destpêkerdene û paştdayîş dayo rêxistinanê terorîstan.

Wîkîpedîa, semedê qerarê qedexekerdişê keyepelî yê Tirkîya muracatê MHME kerd û vera nê qedexeyî Tirkîya rê dewa akerde.

Weqfê Wîkîpedîa da zanayene ke dimayê ceribnayîşê muracatê dezgehanê zereyî, înan muracatê MHME kerdo.