Şarê Rojawanî 8ê çeleyî ra nata seba pawitişê Awbendê Tişrînî çalakîya nobete keno. Nobete roja 26ine de ya.

Şar rixmê hêrişan û qirkerdişanê dewleta tirke ya îşxalkere zî çalakîya nobete de qerardar o.

Ewro wextê nobete de saete 11.30 de, dewleta tirke ancî dormeyê awbendî dîya bombayan ver.

Goreyê bîlançoya ke Îdareyê Xoserî pare kerda 8ê çeleyî ra nata 7 konvoyê şarî raştê hêrişan ameyî. Nê hêrişan de 41 kesî ameyî qetilkerdene û 245 kesî zî birîndar bîyî.