Hetkarê Sekreterê Pêroyî yê Yewîya Ereban Husam Zakîyî eşkerayîya nuştekîye de parbe kerd ke "Bi waştişê Misirî Wezîrê Karanê Teberî yê Yewîya Ereban 12'ê Teşrîna Verêne de Kahîre de derheqê îşxalkarîya Tirkîya yê serê Sûrîye de bêra pêser."

Zakîyî ard ziwan ke îşxalkarîya Tirkîya huqûqê mîyaneteweyî îhlal kerd û hêrişêkê endamêkê Yewîya Ereban nêno qebulkerdene. Endamîya Sûrîye yê Yewîya Ereban serra 2011 de amebi vindertene la serrêk ra nata endamîya ci newe ra yena munaqeşekerdene. Roja Çarşeme, Mîreyîyê Ereban û Erebîstanê Seûdî hêrişê verba Kurdan şeqiznabi. Wezîrê Karan ê Teberî yê Urdunî Ayman Safadîyî zî çarşeme şan vatibi: "Ma pêroyê hêrişanê verba yewîya erdê Sûrîye şeqiznenê." Konseya Asayîşî ya Neteweyê Yewbîyayeyî roja Pancşemey verba îşxalkarîya Tirkî do kombîyayîşêk bika.