Yewîya Tabîban a Dinya (WMA) destbendkerdişê Sereka Yewîya Tabîbanê Tirkan (TTB) Dr. Şebneme Korur Fîncanci bi ziwanêkê tûjî şermezar kerd û waşt ke agahîyê serê şuxilnayîşê gazanê kîmyewîyan wa bêrê cigêrayene.
Yewîya Tabîban a Dinya (WMA) bi eşkerayîyêke destbendkerdişê Sereka Yewîya Tabîbanê Tirkan (TTB) Dr. Şebneme Korur Fîncanci bi ziwanêkê tûjî şermezar kerd.
Serekê Konseya WMA Dr. Frank Ulrich Montgomeryî vat: ''Destbendkerdişê Dr. Şebneme Korur Fîncanci û gefê vera endamanê TTByî nênê qebulkerdene. WMA tewrê ê kesanê ke wazenê agahîyanê serê hêrişanê kîmyewîyan ê vera gerîlayanê PKKyî bêrê cigêrayene beno. Nê hêrişê vera endamanê Yewîya Tabîbanê Tirkan bi temamî neheqî yê.''
