Nisbetê tewrbîyayîşê weçînayîşî kêm bi. Nisbetê se ra 40 weçînayoxan rayê xo şuxulnayî, partîya mûxalefeta rastgire Demokrasîya Newîye ser kewte.

Weçînayîşê cayîyan, panc hewteyî verê weçînayîşê pêroyî yê 7’ê Temmuze ameyî viraştene. Coka netîceyî ke weçînayîşî seba hukmatê Alexîs Tsîprasî yê çepgirî rewşêka başe nîya. Namzedê Partîya Demokrasîya Newîye yê Atînayî Costas Bakoyannîs, se ra 65 rayî girewtî û ser kewt. Bakoyannîs lajê şaredara destpêke ya cinî ya Atîna Dora Bakoyannîse yo. Namzedanê partîya rastgire 13 herêman ra 12 yê ci de ser kewtî. Selanîko ke bajaro dîyin ê tewr gird ê Yunanîstanî yo, namzedê çepgirî tûrê destpêkî yê 26'ê Gulane de bin kewtî. Namzedo xoser o mûxafazakar Konstantînos Zervas Selanîk de ser kewt. Weçînayîşê Parlamentoyê Ewropa yo ke hewteyêk verê amebi kerdene, Partîya Demokrasîya Newîye hemberê Partîya Syrîza ya Serekwezîr Tsîprasî de 9.3 pûan zêde girewtîbî.