Ewro bajarê Chîstchûrchî yê Zelandaya Newî de  di camîyî hedef ameyî girwtene. Hêrişê de  tewr tay 49 kesî ameyî qetilkerdene û 20 kesî zî bîyî birîndar.Yeno qesewatkerdene ke blançoya merdayan hîna bibo gird. Hêrişa ra dima çar kesî ameyî destbendkerdene.

Serokwezîr Jacînda Ardenî vat ke weletê ma hetê ewro hêrişêko wîna gird nêdî. Ardenî no hêriş sey hêrişêkê terorî hesibna û va hêrişî de multecîyî ameyî hedef girewtene la no hêriş vera ma hemeyan o. Serekwezîrê Avûstralya Scott Morrîsonî zî bi eşkerayîyêk da zanayene ke hêrişkarê ke yewa înan cinî ya, nînan ra yew hêrişkar hemwelatijê Avûstralya yo  û sey terorîstêkê ratşgirî yeno naskerdene. Goreyê zanayişan hêrişkarî yew hêriş medyaya sosyale de ganî pare kerd. Dîmenen da eseno ke hêrişkar bi tifingê otomotîkî kêsê ke camî de yê înan ser o adir vareno.