Brezîlya de ke zîndananê ci de xeylî çeteyî estê, rojanê Yewşeme û Dişemeyî de şidetêko pîl qewimîya.

Zîndanêkê vakurê welatî de roja Yewşemeyî şerêk de 15 kesî merdî. Roja Dişemeyî zî eylatê Amazonasî de çar zîndanan ra tewr tay 40 cenazeyî ameyî vetene. Selahîyetdaran vat ke bi mudaxeleyê hêzanê asayîşî, verê bîlançoyêka hîna girane ameyo girewtene.

Serê nameyê Sekretîya Asayîşê Rayapêroyîye ya Amazonasî de eşkerayîye amî dayene û ame vatene ke serê cenazeyanê ê kesanê ke roja Dişemeyî ameyê vetene ‘nîşanê xeneqnayîşî’ estê. Goreyê texmînan nê kesî bi dest ameyê xeneqnayene.

Îdareyê zîndanî eşkera kerd ke înan bi mudaxeleyî vernîya kişîyayîşê 200 kesan girewta.

Zîndano ke 15 kesî tede merdê, Çele ya 2017’î de zî serewedartişêk amebi destpêkerdene. 20 saetan de 56 kesî merdîbî.

Goreyê hûmaritişê serra 2016’î 727 hezar tepişteyî estê, la kapasîteya zîndanan 368 hezar a. Brezîlyaya ke nufûsa aye 210 mîlyon a, ê welatan ra yew a ke şidetêko pîl tede esto.