Xeylêk şaristananê Ewropa de cinîyan çarçewa Kampanyaya '100 Sebebê Seba Hukmkerdişê Dîktatorî' ya TJK-E çalakîyî kerdî û tepişîyayîşê Leyla Guven protesto kerd.

Berlin

Aktîvîstanê almanan û Meclîsê Cinîyan ê Dest-Danî bi çalakîyêke qirkerdişê Erdoganî ameyî protestokerdene. Aktîvîsta almane Gisela Rhein çalakîye de ard ziwan ke Erdogan kerdoxê sûcanê Efrînî yo. Cinîyan çarçewa kampanya de îmzayî arê dîyayî.

Hamburg

Hamburg de rayberîya Meclîsê Cinîyan ê Rojbîne de cinîyan çalakîyêke kerde û waşt ke dîktator bêro hukmkerdene. Çalakîye de tepişîyayîşê Hemsereka KCDyî Leyla Guven ame protestokerdene.

Duisburg

Cinîyî şaristanê Duisburgî yê Almanya de çarçewa kampanya de ameyî pêser û înan Leyla Guven protesto kerde. Cinîyan çarçewa kampanya de îmzayî arê dîyayî. Amara Tolhildan çalakîye de qisey kerd û ard ziwan ke ê do vera sîstemê serdestîya camêrdan meydanan de bibê.

Hannover

Rayberîya YJK-E de cinîyan seba hukmkerdişê dîktatorî çalakîyêke kerde, îmzayî arê dîyayî. Dima ciwananê TCÇ-TÊKO-JIN seba azadîya Abdullah Ocalanî çalakîyêke kerde.

Freiburg

Freiburg de rayberîya Meclîsê Cinîyan ê Nûda de  cinîyan çalakîyêke kerde û cinîyê ke ameyê qetilkerdene yad kerdî. Çalakîye de tepişîyayîşê Leyla Guven zî ame protestokerdene.

Amsterdam

Cinîyan verê Sersefirîya Tirkîya de çalakîyêke kerde û tepişîyayîşê Leyla Guven protesto kerd.

Kopenhag

Şaristanê Kopenhagî yê Danîmarka de rayberîya Meclîsê Cinîyan ê Sêvê de cinîyî vejîyayî kuçeyan û înan waşt ke wa dîktator bêro hukmkerdene.