Afganîstan de pawitoxa heqanê cinîyan kişîyaye

Paytextê Afganîstanî Kabul de hêrişkaranê bi motorsîklete pawitoxa heqanê cinîyan Freşta Kohistanî û birayê ci kiştî.

Vervatoxê Wezaretê Karanê Zereyî Tarik Arianî da zanayene ke Freşta Kohistanîya 29 serre bajarekê Kohistanî yê wîlayetê Kapîsa de 24ê kanûne de hetê hêrişkaranê bi motorsîklete ra kişîyaye. 

Walîyê Kapîsa Abdul Latîf Muradî îfade kerd ke hêriş de birayê  Freşta zî kişîya û hema kesêkî mesuldarîya hêrişî nêgirewte xo ser.

Freşta Kohistanî weçînayîşê peyênî de vera îdareyê verênî kampanya serûber kerde û medyaya dîjîtale de xeylêk teqîbkerdoxê ci estbî. Freşta Kohistanî aktîvîsta heqanê cinîyan bîye. Freşta Kohistana ke dadîya domanêke ya facebook de nuştbi ke ci rê gefî yenê wendene û selahîyetdaran ra waştbi ke aye bipawê.