Endamanê Meclîsê Cinîyan ê HDPyî yê Elîhî û aktîvîstanê Têgêrayîşê Cinîyan ê Azadan (TJA) waşt ke çarçewa çalakîyanê 25'ê Teşrîna Verêne ya Roja Têkoşînê Vera Şîdetê Serê Cinîyan de bi beyanatêkî bala cinîyan biancê kiştişê cinîyan ser la polîsan hêriş kerd û 10 cinîyî destbend kerdî.

Verî ke beyanat bêro dayene polîsan dormeyê cinîyan girewt. Polîsan semedê birra qedexeyê çalakîyan a Walîtîye destûr nêda ke beyanat bêro wendene. Dowîzê ke destê cinîyan de bî û  nameyê cinîyanê kişteyan ser o ameyî nuştene  hetê polîsan ra ameyî arêdayene. Dima cinîyan ver bi bînaya HDPyî rayîrî ra şîyî. Cinîyan rayîrşîyayîşî de sloganê "Teda nêeşkena ma bêzar bika" vat û tewirê polîsan şermezar kerd. Na hêle  polîsan dormeyê cinîyan girewt û Wekîlê Hemserekanê HDPyî yê Êlîhî Gulcemale Erdînç, aktîvîstê TJA Derya Arslan, Sîdare Onat, Gulere Oran zî tede tewr tay 10 cinîyî destbend kerdî.