Merkezê Cigêrayîşê  Warê Sosyo Polîtîkî raporê xo yê derheqê qetilkerdişê cinîyan de eşkera kerd. Goreyê raporî menga çele ra heta teşrîna verên a 2020î de tewr tay 256 cinîyan netîceya cînayetî de û tewr tay 197 cinîyan zî bi tewirê şikdarî dinyaya xo bedilnaye.

Rapor sere de Plotfome Ma Do Kiştişê Vera Cinîyan Vindarnê, Bîanet, Jînnews, Ajansê Mezopotama netîceya doneyanê xeylêk ajans û sîteyan ame amadekerdene.

Goreyê raporî cinîyî tewr zaf Îstanbul (37), İzmir (19) û Antalya (13) de ameyî mirênayene û Dêrsim, Colemêrg, Meletî, Sêrt, Artvin, Bayburt, Karahan û Tokat ra qet xebera kiştişê cinîyan çapemenî de ca nêgirewt.

Cinîyê ke bi tewirê şikdarî merdî zî rêza verêne de Îsanbulî cayê xo girewt. İstanbul (19) Antalya (18) Amed (11) Aydin (11) Mêrdîn (10).

Rapor de ame vatene ke se ra 37,9ê cinîyî hetê mêrdeyan ya zî mêrdeyanê xo yê verênan ra, se ra 18, 4 zî hetê camêrdanê merdiman ya zî nasan ra, se ra 16 zî hetê waştîyanê xo ra ameyî mirênayene.

Goreyê raporî ser ra 77,8 cinîyî bi çeke, se ra 27, 3 bi hacetê tujî, se ra 6,6 bi xeniqnayîşî û se ra 3,5 zî bi derbkerdişî ameyî  mirênayene. Se ra 3,5 ê cinîyan zî nêame tesbitkerdene ke senî ameyî mirênayene.

Reyna goreyê zanayîşê cigêrayîşê medya se ra 54, 3 cinîyî  keyeyê xo de, se ra 33,6 kuçe, cayê karî, berber, park û cayanê winayêna de ameyî mirênayene. Se ra 12,1 ê cinîyan nêame tesbîtkerdene ke ça de ameyî mirênayene.