Platformê 'Ma do Kişîyayîşê Cinîyan Vindarnê' (KCDP) raporê xo yê 2020î eşkera kerd.

KCDPyî raporê xo de nê agahîyî dayî:

-Serra 2020î de 300 cinîyî hetê camêrdan ra kişîyayî û 171 cinîyî zî bi hawayêkê şikdarî merdî. Sebebê kişîyayîşê 182 cinîyan nêzanîyeno. 22 cinîyî sebebanê ekonomîkan ra, 96 cinîyî seba ke waştê mêrdeyanê xo vera bidê kişîyayî.

-2020 de tewr zaf Îstanbul de cinîyî ameyî qetilkerdene. Îstanbul de 42, Îzmîr de 25, Anqara de 15 cinîyî ameyî kiştene.

-300 cinîyan ra 97 cinîyî hetê mêrdeyanê xo ra, 54 cinîyî hetê waştîyanê xo ra, 38 cinîyî hetê camêrdanê nasan ra, 21 cinîyî hetê mêrdeyanê xo yê verênan ra, 18 cinîyî hetê lajanê xo ra, 17 cinîyî hetê babîyanê xo ra, 16 cinîyî hetê merdimanê xo ra, 8 cinîyî hetê waştîyanê xo yê verênan ra, 5 cinîyî hetê birayanê xo ra û 3 cinîyî hetê kesanê nênasan ra ameyî kiştene. Nêzanîyeno ke 23 cinîyî hetê kamî ra kişîyayî.

-181 cinîyî keye de, 48 cinîyî kuçe de, 15 cinîyî cayê karî de, 14 cinîyî axpînan de, 11 cinîyî wesayîtan de, 5 cinîyî otêle de, 4 cinîyî cayê tenikî de, cinîyêke depo de, cinîyêke zî kuafor de ameyî kiştene. Cayê kişîyayîşê 20 cinîyan nêzanîyeno.

-170 cinîyî pê çekan, 83 cinîyî pê hacetanê tûjani 26 cinîyî pê xeniqnayîşî, 10 cinîyî pê şîdet, 2 cinîyî pê vêşnayîşî û cinîyêke zî pê madeya kîmyewî kişîyayî. Cinîyêke zî cayêkê berzî ra erzîyaye war.