Çarçewa çalakî û aktîvîteyanê Roja Cinîyan a 8ê Adare de xeylêk şaristananê Ewropa de kombîyayîşê cinîyan ameyî kerdene.

Paytextê Brîtanya London de serkêşîya Meclîsê Cinîyan ê Jîyane de aktîvîteya paştdayîşî ameye kerdene. Aktîvîte de belgefîlmê serê cuya Aysele Dogan ame mojnayene.

Şaristanê Kasselî yê Almanya de qalê tarîxê 8ê Adare ame kerdene. Kombîyayîş de bale ameye antene girîngîya felsefeya 'Jin, Jiyan, Azadî' ser. Kombîyayîş bi govendan qedîya.

Şaristanê Stuttgartî yê Almanya de serkêşîya Komunê Cinîyan ê Meryeme de startê 8ê Adare bi kombîyayîşî dîya. Kombîyayîş de hunermende Zeynepe Enhas vejîyaye sehne ser.

Şaristanê Grazî yê Avusturya de bi wesîleya Roja Cinîyan a Dinya semînerêk ame kerdene û dima sînevîzyonêk ame mojnayene. Dima cinîyan bi slogan û govendan 8ê Adare fîraz kerd.

Şaristanê Duisburgî yê Almanya de çarçewa Hemleya 'Bi Jin, Jiyan, Azadî; Ver bi Şorişê Cinîyan' panelêk ame dayene. Panel de felsefeya ''Jin, Jiyan, Azadî'' ameye nîqaşkerdene. Panelî ra dima hunermendî Pîya û Dîda vejîyayî sehne ser.