Keyeyê girewteyan ê ke vera tecrîdîkerdişê Ocalanî grevê vêşanîye û rojeyê mergî de yê, sey her roje ewro zî Gebze de ameyî têhet.

Dayîkê ke 34 rojî yo vernîya Hepisxaneyê Cinîyan ê Gebze yê Girewte de çalakîya roniştişî virazenê, reyêka bîne bîyî hedefê polîsanê Tirkî û ameyî astengkerdene. Naye ser o dayîkî şîyê banê HDP’yî yê Kocaelî û eşkerayîye daye çapemenîye. Wext de eşkerayîye de 2 se ra zêdeyî HDP'ijî û keyeyê girewteyan amade bîyî. Sultan Bozkurte bi nameyê çalakwanan qisey kerd û vat, “Domanê ma grevê vêşanîye de yê. Xelata tewr gird a ke ma rê yena dayene, cuya domananê ma ya. 30 domanê ma nika rojeyê mergî de yê. Ma virane fînê hemeyan ro. Ma Roja Dayîkan a domananê xo yê ke nika grevê vêşanîye û rojeyê mergî de yê pîroz kenê. Ma bi serran o çin yenê hesibnayene. Nê welatî de heme rojî ma rê qedexe yê. Ma bîyê hesretê keyfweşîye. Kes ma fam nêkeno. Ma bi mengan o vanê grevê vêşanîye esto. Sere de şarê Kurdî, ma erey fam kenê.” Endamanê HDP'yî bi wesîlaya ‘Roja Dayîkan’ qerenfîlî dîyarîyê dayîkan ê girewteyan kerdî.