Merkezê Îrtîbatî û Çapemenîye yê YPJyî bi eşkerayîyêke keyepelê xo yê înternetî de derheqê çalakîyêka YPJyî de agahîyî dayî.

Eşkerayîye wina ya:

''Şerwananê ma 3yê adara 2024î de saetanê şewe de vera baregehêkê artêşa dewleta tirke ya îşxalkere dewa Şêx Nasirî ya Minbicî de çalakîyêka sereştişî kerde. Şerwananê ma bi hawayêkê profesyonelî da îşxalkeran ro. Şerwananê ma na çalakîya xo de cebilxane û baregehê îşxalkeran îmha kerdî, 6 îşxalkerî ceza kerdî û dest na doçkayêke, di kalaşnîkofan, cîhazê bêtelî, telefon û nasnameyanê cerganê tirkan ser. Netîceya vêşnayîşê barehegî de teqayîş qewimîya la derheqê teqayîşî de agahîyêka bîne nêameye girewtene.

Na çalakîye seba yadkerdişê fermandaranê ma yê serkêşan ameye kerdene ke hêrişanê dewleta tirke ya îşxalkere de şehîd bîyê. Ma hêzê qesasî yê û serkewtiş de qerardar ê. Hêrişê vera cinîyan ê serkêşan, welat û deskewteyanê Şorişê Rojawanî do bêcewab nêmanê.''