Platformê Ma do Kiştişê Cinîyan Vindarnê (KCDP) raporê xo yê menga Çeleyî eşkera kerd. Goreyê raporê platformî menga çeleyî de 27 cinîyî ameyî kiştene, 7 cinîyî bi hawayêkê bişikî meyîtê ameyî dîyene, semedê kiştişê 22 cinîyan nêame tesbîtkerdene û 5 cinîyî zî semedo ke waşt mêrdeyanê xo veradayê ameyî kiştene. 

Raporê KCDPyî de nê doneyî ameyî dayene: ''Menga çeleyî de 27 cinîyî ameyî kiştene. Nêno zanayene ke 3 cinîyî hetê kamî ra ameyî kiştene. 7 cinîyî hetê heskerdoxanê xo ra, 5 cinîyî zî hetê mêrdeyanê xo ra, 5 cinîyî hetê lajanê xo ra, 3 cinîyî hetê babîyanê xo ra, 2 cinîyî hetê mêrdeyanê xo yê verênan ra, cinîyêke hetê merdimê xo ra û cinêke zî hetê heskerdoxê xo ra ameyî kiştene. 15 cinîyî bi çeke, 8 cinîyî bi hacetanê tûjan û 2 cinîyî zî bi pirodayîşî ameyî kiştene. Cinîyêke ameye xeniqnayene û cinîyêke zî ameye vêşnayene."