Polîtîkayê AKP-MHPyî benê sebebê şîdetê vera cinîyan. Goreyê îstatîstîkanê Platformê 'Ma do verê kişîyayîşê cinîyan bigêrê'  mabênê menganê çele û teşrîna verêne de tewr tay 246 cinîyî hetê camêrdan ra kişîyayî.

Goreyê naye Tirkîya û Vakurê Kurdîstanî de menga çeleyî de 27 cinîyî kişîyayî û 7 cinîyî zî bi hawayêkê şikdarî merdî. Hûmara cinîyan ê kişteyan menga sibate de zî 22 bîye.

Menga adare de ke pandemî ra cinîyî keye de mendî, 29 cinîyî hetê camêrdan ra kişîyayî. Menga nîsane de 20, menga gulane de 21, hezîrane de 27 cinîyî hetê camêrdan ra ameyî qetilkerdene.

Qetilkerdişê cinîyan temmuze de zêdîyayî û na aşme 36 cinîyî kişîyayî.

Tebaxe de 27, êlule de 20 û teşrîna verêne de zî 21 cinîyî hetê camêrdan ra  kişîyayî.