Hêzanê dewleta tirke Êlih de 31ê gulane de operasyonêkê qirkerdişê sîyasî dabi destpêkerdene. Çarçewa tehqîqatê Serdozgerîya Komare ya Êlihî de bi îdîaya 'endamîya rêxistine' derheqê 20 cinîyan de bira destbendkerdişî amebî dayene.

31ê gulane de 15 cinîyî ameybî destbendkerdene. Çarçewa heman tehqîqatî de 1ê hezîrane de zî aktîvîstê Têgêrayîşê Cinîyan ê Azadan (TJA) Hacîre Tangiran û Leyla Bayram û cinîyêka bîna ke nameyê ci nêzanîyeno, Îdir de ameyî destbendkerdene û ameyî berdene bi Mudirîya Asayîşî ya Êlihî.

Heta nika nê cinîyê aktîvîst û sîyasetmedarî ameyî destbendkerdene: Hemşaredara Êlihî Songule Korkmaz, Hemşaredara Kaniya Henê Gulîstane Sonuk, Hemşaredara Hezoyî Nazîme Avci, Hemsereka verêna ya HDPyî ya Êlihî Fatma Ablay, Endama Meclîsê Pêroyî yê Bajarî Semra Guneş, Hemserka HDPyî ya Bajarî Gurbete Dogan, Endama Meclîsê Şaredarîya Êlihî Sebahate Acar, aktîvîstê TJA Gurbete Bozyigit, Halîde Keser, Gulnure Deli, Zeynepe Oduncu,Rukene Zeryam, Hacîre Tangiran û Leyla Bayram û hunermende Sevda Adibelî.