Fermandare Rojbîne Dêrsim 24 serrê xo dayî têkoşînê PKKyî û waranê Garê Xakurkê, Xinêrê, Dêrsim û Botanî de gerîlatîye kerde.

Wexto ke embaze Rojbîne wezîfe ra agêrena pê huyayîşan wazena tekmîl bida gerîla Dijle. Dima zî hîkayeya di rojan vana.

Serê sibayî rew zî reyna ma pê 'rojbaş' ê Rojbîne haya benê.

Dijle bi pispisan vana: ''Ez heyrana enerjîya embaze Rojbîn a. Çew nêeşkeno bireso ci. Ez vaja serranê dergan ê şerî zêdêr enerjî daye ci.''

Fermandare Rojbîne şalê xo yo diryaye derzena û şaşalê xo ra awe xo wena... Kitanê Rayber Apoyî yê bi nameyê 'Amara' gêna xo destî û dest pê wendişî kena. A roje mezg, ruh û awiranê ci de têna Rayberîye esta.

Dima radyo akena û hetêkî ra goş dana deyîra Koma Berxwedanî hetêkê bînî ra zî şalanê gerîlayan derzena. Embazêke ci rê vana ke zaf qefilîyaya wa tay biaresa. La embaze Rojbîne vana: ''Eke ez deqayêk betal vindera seke ez ha Rayberîye, şehîdan û şarê xo rê îxanet kena.''

Bêvengîyêka derge ra dima embaze Rojbîne Dijle rê vana: ''Ti zanena zaf serrî vîyartî la ez gerîlatîye ra mird nêbîya û kelecanê xo yê verênî pawena.''

Dijle zî vana: ''Embaze Rojbîne ez to ra zaf serran dima tewrê şima bîye û ez to ra qijêr a. La ez heyrana enerjîya to ya. Ganî yew sirê ney bibo.''

Fermandare Rojbîne sirê xo wina eşkera kena: ''Sirî ra wetêr yew raştîya na enerjî esta. A raştîye zî raştîya Rayberîye de ya. Ez nika zî nêeşkena vaja ke ez gerîlayêka profesyonel a. La ez eşkena pê raştîya Rayberîye biba gerîlayêka hole. Coka ez gerîlatîye ra mird nêbena û kelecanê xo yê verênî pawena. Çunke eke ma bibê aşiq û maşûq ma her hetî ra eşkenê bibê gerîlayêka raştikêne.''