Hemsereka Til El Şayîî ya Deşîşe ya Kantonê Hesekê Seda Feysel El Hermas û Hetkara ci Hinde El Xidar 22ê çeleyî de ameybî remnayene û bi hawayêkê barbarî ameybî qetilkerdene. DAÎŞî dima no qirkerdiş girewt xo mil.

Sereka Heyetê Rayberdişî yê Meclîsê Sûrîyeya Demokratîke (MSD) Îlhame Ehmed derheqê qirlerdişê DAÎŞî de ANFyî rê qisey kerd.

Îlhame Ehmed ard ziwan ke Îdareyo Xoser seba azadîya cinîyan, awankerdişê komelêkê demokratîkî û vernayîşê hîşmendîye firsendan aferneno û vat: ''DAÎŞ xîret keno ke hêrişê Îdareyê Xoserî bikero. Wazeno verê azadî û averşîyayîşê cinîyan bigêro û sîstemê xo yê otorîterî cinîyan rê ferz bikero. ''

Îhame Ehmed pare kerd ke vera hîşmendîya tarî ya DAÎŞî ganî  tewirêko xurtêrî bêro mojnayene û vat: ''Sere de cinîyan herêmanê Rojawanî ganî pêro cinîyî vera nê hêrişan yew bibê. Girîng o ke ganî cinîyî vera nê hêzanê tarîyan tewrê YPJyî bibê û cewabê qirkerdişan bibê. Camêrdê azadîwaştoxî zî ganî hêzê xo bikerê yew û vera DAÎŞî wurzê payan ser.''