Îstanbul de 2 cinîyî ameyî qetilkerdene
Sultanbeylî de camêrdê bi nameyê Adnan Soysalî cinîya xo Hatîce Soysal qetil kerde. Qezaya Esenlerî de zî Nerîmane Kivrak hetê kes yan zî kesanê nenasan ra ameye qetilkerdene.
Îstanbul de 2 cinîyî ameyî qetilkerdene.
Qezaya Sultanbeylî ya Îstanbulî de Hatîce Soysal hetê mêrdeyê xo Adnan Soysalî ra ameye qetilkerdene. Verî Adnan Soysalî xîret kerd ke domananê xo zî Hatîce reyde keye de tepişa la domanî remayî. Cenazaya Hatîce wedarîyaye Dezgehê Tipê Edlîyî. Kiştoxo ke cayê serebûtî de întîhar kerd wedarîya nêweşxane.
Qezaya Esenlerî de zî Nerîma Kivraka 68 serre hetê kes yan zî kesanê nenasan ra ameye qetilkerdene. Derheqê serebûtî de tehqîqat dîya destpêkerdene.
