Meclîsê Cinîyan ê HDPyî yê Îstanbulî Meydanê Ozgurlukî yê Bakirkoyî de startê çalakîyanê 25ê Teşrîna Peyêne Roja Têkoşînê Vera Şîdetê Serê Cinîyan da

Wekîla HDPyî Huda Kaya, Zuleyha Gulum, aktîvîstê rêxistinanê cinîyan û aktîvîstê LGBTyî tewrê çalakîye bîyî. Çalakîye de pankarta bi nuşteyê 'Têkoşînê vera şîdetê dewlet-camêrdî' ameye akerdene.  Hemsereka HDPyî ya Îstanbulî Elîfe Bulut destpêk de qisey kerd.

Bulute vat: ''25ê Teşrîna Peyêne de ma do meydanan de bibê, vera înanê ke wazenê Peymana Îstanbulî wedarê ma meydanan de yê, 8ê Adare de zî ma do meydanan de bibê.''

Wekîle Zuleyha Gulum zî vat: ''Se beno wa bibo ma do apey gamêke nêerze vera dişmenîya cinîyan xo ver bidê.''

Vervatoxa Meclîsê Îstanbulî yê HDPyî Bese Çelîk zî çalakîye de qisey kerd. Bese Çelîk ard ziwan ke huqûq cinîyan nêpaweno û vat: ''Coka ganî cinîyî bieşkê xo pipawê.'' Bese Çelîlvenga pêro cinîyan da ke 25ê teşrîna peyêne fde dormeyê Meclîsê Cinîyan ê HDPyî de kom bibê û têkoşîn pîl bikerê.

Çalakîye bi sloganan qedîyaye.