Îstanbul de 3 endamê Komîteya Cinîyan semedo ke 8ê Adare Roja Cinîyan ê Kedkaran a Dinya de tewrê rayraşîyayîşê şewe yê femînîstan ê 19. bîyî ameyî destbendkerdene.

Komîteya Cinîyan twitter de derheqê destbendkerdişan de agahîye daye û vat: ''Wexto ke ez maruza tecawuz û qirkerdişî bena dewlete çin a la wexto ke ez wazena Îstîklal de rayîrî ra şina dewlete esta? Ma qebul nêkenê. Ma israrê xo yê Taksîmî ra fek vera nêdanê!''

Nameyê 3 cinîyan wina yê: Merve Bektaş, Zeynepe Çakir û Ebru Sert

Wendekaranê Lîseyî yê Şorigêran pare kerd ke Sedefe Ozer sereştiş de ameye destbendkerdene û Komeleya Huqûqnasan ê Hemdeman zî da zanayene ke tewr tay 10 cinîyî ameyî destbendkerdene.

Nameyê nê pêro cinîyan wina yê: Merve Bektaş, Zeynepe Çakir, Îlayda Cantaş, Sedefe Ozer, Pelîne Şahîn, Nîmete Tanrikulu, Îlknure Bîrol, Devrîme Çapar û  Ebru Sert''

Destbendkerdişan ra dima twitter de pê hashtagê #8MartaDokunma (Dest medê 8ê Adare) cinîyan nêrazîbîyayîşê xo mojna.