Îtîfaqê Neda seba Werîşe Mûradî veng da
Îtîfaqê Neda venga pêro cinîyanê dinya da ke seba Werîşe Mûradîya ke cezaya dardekerdişî dîyabî ci têbigêrê.
Îtîfaqê Neda venga pêro cinîyanê dinya da ke seba Werîşe Mûradîya ke cezaya dardekerdişî dîyabî ci têbigêrê.
Îtîfaqê Neda derheqê cezaya dardekerdişî ya vera Werîşe Mûradî de eşkerayîyêka hempare daye.
Eşkerayîye de dîya zanayene ke seba ke cinîyê Îranî vera zulm û zorbazîye vejîyenê îqtîdarê Îranî ceza û tecrîdî ferzê înan kena.
Eşkerayîye de wina ame vatene: ''Serewedaritişê Jin, Jiyan, Azadî ra dima rejîmê malayan verê cinîyan de hîna barbar bi. Aktîvîste Werîşe Mûradî zî tede emsere rejîmê Îranî cezaya dardekerdişî daye 831 kesan. Nê cezayî a raşte ters û barbarîya rejîmê Îranî eşkera kenê. Îran nê welatan ra yew o ke tede cezaya dardekerdişî ya vera cinîyan zêde ya.
Ma venga pêro rêxistinanê cinîyan, rêxistinanê femînîstan û heqanê merdiman danê ke bi xurtî paştî bidê Werîşe Mûradî û vera zulmê rejîmê Îranî tewirê xo bimojnê.''