B.D. Zîndanê Cinîyan ê Şakranî yê Îzmîrî de serranê 2019-2020î de 15 mengan tepişte mende. B.D. qala îşkenceyê gardîyan û leşkeran kerde.

B.D. ard ziwan ke gardîyan û îdareyê Şakranî vera tepişteyan bi hawayêkê xirabî têgêrenê û mektûbê ke Wezaretê Edaletî rê nusîyayî, nêdanê.

B.D. îfade kerd ke cinîyêka digane îşkence ra kewta mîyanê cilan û dergûşê ci pîzeyê ci de merdo. Reyna B.D. pare kerd ke cendirmeyan cinîya ciwane ya bi nameyê R.O. robarê zîndanî de derb kerde û cendirmeyan nêverda ke kesêke hetkarîya R.O. bikera.

B.D. da zanayene ke Şakran de tepişteyî payan ser o hûmarîyenê, sporî rê destûr nêdîyeno û derheqê tepişteyan de beyanetê zûrayînî nusîyenê.

B.D. vat: ''Bi pereyan karê zorî pê ma ameyêne kerdene. Şertê hîjyenî û germkerdişî xirab nîyî.''

B.D. ard ziwan ke aye zîndan de xîret kerd ke xo bikişa û dima gardîyanan pê aye heqaret kerd. B.D. vat ke gardîyanan a korîdor de derb kerde û gardîyanan ci rê wina vat: ''Eke ti wazena xo bikişa serê sibayî bikere ke ma meyîtê to bivînê.''